Volkswagen ta suspende director pa a haci prueba ariba ser humano

0
RBC Juli 2018
Funmiles-2018

BERLIN, Alemania- E compania Volkswagen un biaha mas ta hay’e den e wowo di horcan, despues di cu a bira publico cu e compania a realisa experimentonan cu huma di diesel riba sernan humano y macaco, pa cual e compania automotriz Aleman a dicidi di suspende un di su ehecutivonan.
E director di Relacionnan Exterior y Sustenibilidad, Thomas Steg, a retira di su puesto boluntariamente, segun e compania den un comunicado.
Den e documento, e compania a sigura cu e ta evalua “e consecuencianan” di e actividadnan di e Grupo Europeo di Investigacion di Medio Ambiente y Salud den e Sector di Transporte (EUGT). E grupo aki ta esun cu a financia e experimentonan ariba sernan humano y animalnan pa demostra cu e compania tabata eliminando emisionnan dañino di diesel den autonan Volkswagen.
Matthias Mueller, CEO di Volkswagen, a afirma cu e ta investiga e labornan di EUGT, cu a wordo disolvi na 2017. “Nos lo yega na e conclusionnan necesario”, el a bisa. El a agrega cu Steg a “asumi e responsabilidad completo pa e sucedido y ami ta respeta esey”.
Investigacionnan riba e caso aki lo wordo hiba di “manera intensivo”, segun e texto.
Di mes manera, Mueller a anuncia cu e funcionann di Steg lo wordo asumi pa Jens Hanefeld, responsabel pa e politica internacional y Europeo di e compania.
• Diadomingo ultimo a bira conoci cu un centro cientifico funda pa e gigantenan automotriz, Volkswagen, Daimler y BMW entre 2012 y 2015 a experimenta con e dioxido di nitrogene (gas cu ta motornan diesel ta genera ) ta afecta e ser humano. Na 2014 a realisa e mesun experimentonan aki, pero ariba macaco.

• Un aña despues, na 2015, Volkswagen a reconoce cu rond di 11 miyon di su autonan diesel tabata tin un ‘software’ pa gaña e controlnan medioambientalista, cual a desata un scandal rond mundo riba e emisionnan di gas.

Comments

comments

C: Heineken
new india