WOLFSBURG, Alemania- Luna di September, Volkswagen a registra benta di mas di un miyon auto, cu ta 6,6% mas y ta supera, pa prome biaha, e miyon di auto bendi na luna di September.
E director di Benta di Volkswagen, Fred Kappler, a bisa cu e resultado record di September “ta muestra di e fortaleza di e compania”. Tambe e ta muestra di e bon acogida di e modelonan nobo SUV, specialmente na China.
Na China, Volkswagen a bende entre Januari y September 2.895.000 auto, cu ta 1,4% mas di e mesun lunanan di 2016.
E benta na Europa Occidental a subi den e mesun periodo cu 1,3% te cu 2.734.000 unit y na Europa Oriental a mehora un 12,4% te cu 542.200 unit.
Sin embargo, e mayor fabricante automobilistico di Europa a bende na Alemania te cu September 973 mil unidad (1,9%) menos.
E mehora den benta na September na Merca tabata di 21.8 % y na Brazil e tabata 110.5%.
Fuente: http://www.efemotor.com