SICILIA, Italia – Monte Etna, e volcan activo mas halto di Europa, a drenta un biaha mas den erupcion. E imagennan nocturno a mustra un espectacular emision di lava cu afortunadamente no a forma riesgonan material, ni personal, segun autoridadnan Italiano. Cu mas di 3220 meter, Etna ta domina e perfil di e isla di Siclia (zuid di Italia). Su erupcionnan ta di tipo stromboliano, esunnan mas peligroso ya cu e por bay pareu cu explosion y expulsionnan di shinishi, pero den e caso aki tur cos ta indica cu e situacion ta bao di control. E riu di lava, cu ya a baha for di e top te na 2850 meter, ta sigui core, pero cu no ta forma menasa na ningun poblacion. Y e shinishi tampoco no a causa problema pa e aeropuerto cercano di Catania, esun principal di e isla. Cu tur esaki, autoridadnan ta sigui ta pendiente di e sistema di monitorisacion di e volcan, un di esunnan mas activo di Europa aunke e tabata drumi desde final di 2015. Y segun e ultimo datonan disponibel, aunke e actividad sismico ta sigui, parce cu e ta sigui ta pacivo.
Fuente: El Pais