CIUDAD DE GUATEMALA, Guatemala- E erupcion ta compaña di explosionnan di intensidad modera y halto.
Den zuid di Guatemala e Volcan de Fuego un biaha mas a drenta den erupcion. E columna di huma a alcanssa un haltura di 5 mil meter riba nivel di lama y e as ta yega te na un 20 y 30 km mas aleu, segun datonan di e Coordinador Nacional pa Reduccion di Desastre (CONRED).
Ta trata di e di cinco fase eruptivo di e volcan a lo largo di e aña aki. Segun Prensa Libre ta detaya, e caida di as ya a wordo raporta den e comunidadnan di Panimaché I y II, Morelia, Santa Sofía, Sangre de Cristo y den e finca Palo Verde.
E erupcion ta wordo compañan di explosionnan modera y fuerte. Debi na e actividad volcanico, e residentnan di e comunidad cercano Sangre de Cristo, San Pedro Yepocapa y Chimaltenango a cuminsa un autoevacuacion preventivo.