WASHINGTON, Merca – Sean Spicer, vocero di e presidente Mericano, Donald Trump, a haci diamars e declaracion controvertido aki, na compara e accionnan di Adolf Hitler cu e presidente Sirio Bashar al Assad y bisa cu “ni sikiera un hende asina despreciabel manera Hitler a cay asina abao door di uza armanan kimico.”
Durante su conferencia di prensa diario, Spicer a bisa diamars cu Rusia mester repensa su apoyo na e presidente Sirio, cual Merca ta acusa di un atake cu gas toxico contra un localidad rebelde den e provincia di Idlib, caminda cu a muri mas di 80 persona siman pasa, DPA a menciona.
“Ni sikiera un hende asina despreciabel como Hitler a cay asina abao door di uza armanan kimico,” Spicer a apunta, kende a añadi cu Rusia cada biaha mas di e “banda kiboca” di historia.
Ora cu nan a pidi Spicer pa specifica kico e tabata kier a bisa cu su mencion na Hitler, el a añadi: “E (Hitler) no a uza gas contra su propio pueblo di e mesun forma cu Al Assad… E no a hibanan na centronan di Holocausto, esey mi tin’e cla. Pero loke mi kier bisa ta e forma cu Al Assad a uz’e, drentando den e ciudadnan y tirando esaki den e centro di e ciudadnan.”
Parce cu Spicer a referi cu “centronan di Holocausto” na e camponan di concentracion y a extremina Nazinan caminda cu miyones di persona a muri.
Despues di e conferencia di prensa, Spicer a purba di aclarea loke e kier a bisa. “Mi no a purba di minimalisa e horor di e Holocausto,” el a señala. Segun el a bisa, solamente e kier a diferencia e tactica di uza armanan kimico den centronan pobla. “Tur atake na personanan inocente ta condenabel y imperdonabel,” el a añadi.
Fuente: El Universal