Señor Lito Lacle Vocero di Cuerpo Policial a duna un splicacion di e entradanan hudicial cu Polis a tene dialuna marduga habriendo un siman y bishita esnan envolvi den atraconan. Total di 4 cas a keda bishita y lanta 9 hende for di soño hibanan pa warda.
Entrante di e dia di e atraco di La Estrella e team di atraco di Cuerpo Policial no a keda keto ni descansa y ta trahando 16 pa 18 ora pa dia pa resolve e caso. Siman pasa a haci algun detencion, 6 Februari 2017 marduga a culmina esaki cu mas detencion un total di 9 persona deteni. 4 ta Arubiano y 5 ta stranhero. Sr Lico Lacle a comenta den entrevista cu a bishita Modanza, Palm Beach, Koyari y final na Caya Frere Henriques.
Esaki ta un score basta grandi, nos di Cuerpo Policial no por stop di gradici comunidad cu ta yuda pa pone man riba malechornan. Unda cu cada caso cu keda resolvi di parti Cuerpo Policial 80% ta informacion cu ta bin door di pueblo di Aruba cu ta coopera, y esaki ta fruto di e informacionnan cu nan ta duna. Mester focus cu tin 4 local deteni den e grupo di stranheronan, unda cu mayoria biaha tur hende ta punta dede riba e stranheronan pero ta e localnan ta esun cu ta yuda e stranheronan y ta na cabes.
Den e accion aki a detene algun hende homber y hende muhe. Na Koyari un hende homber, na Palm Beach dos hende muhe na Caya Frere Henriquez un pareha cu ta un homber y un muhe y na Modanza tres hende homber y un hende muhe.
Sr. Lito a comenta ora di tene entrada hudicial lo listra den e cas y busca mas prueba cu ta posibel pa tin e caso aki completa.
Tin hende ta kere cu nan por sigui tira atraco unda cu polis no ta detenenan tog, pero awor aki si bo wak bon den un caso grandi di atraco riba joyeria tin den careda 15 persona deteni envolvi den e caso aki. Sr. Lito a comenta cu e team aki no lo stop di traha y lo tin mas trabou. E rubianonan cu a keda deteni ta clientenan regular di husticia pa e mes un hecho di atraco.
Vocero di Polis Sr Lacle a comenta na final cu e number di tipline 11141 di cuerpo policial ta un number anonimo. Bo duna bo nomber, y number di telefoon tin recherchenan specialisa cu lo contact bo pa un tip, y pa ley bo ta keda anonimo. Tin biaha tin hende ta yama e tipline pero nos ta haya parti di e informacion so.