Vitamina D ta yuda preveni cancer di pecho

0
RBC Juli 2018
Funmiles-2018

Un ekipo interuniversitario di oncologonan y epidemiologico Mericano a constata cu vitamina D ta reduci e riesgo di desaroyo di cancer di pecho.
E dosis recomenda di vitamina D pa cada persona entre 1 y 70 aña di edad ta di 10 microgramo diario y 15 microgram pa personanan cu a pasa 70 aña. Hopi hende ta asocia e substancia aki cu zonnebad, pero poco ta esunnan cu sa con e substancia aki ta funciona den e organismo humano y pa kico esaki ta necesario.
Expertonan a analisa e informacion obteni den dos ensayo cu tabata conta cu e participacion di un total di 3.325 hende muhe y un estudio prospectivo cu 1.713 boluntarionan femenino di riba 55 aña, durante un periodo di 4 aña.
Tur e datonan ta bay bek pa entre 2002 y 2017, e ta resumi un nota di prensa emiti diabierna ultimo pa e Universidad di California na San Diego. E profesornan Cedric Garland y Edward Gorham tabat forma parti di e ekipo.
E tres estudionan a analisa un total di 77 caso di cancer di pecho. E participantenan cual nan sanger tabata presenta nivelnan halto di calcidiol (cual ta e forma principal di wanta vitamina D den e curpa) ta core un risico cinco biaha mas chikito compara cu esunnan cu tin menos di 20 nanogram di esaki den cada ml di e canal sanguineo.
“Nos ta haya cu e participantenan cu nivel di 25 (OH) D den sanger mas halto cu 60 ng/ml tabata presenta menos riesgo di sufri di cancer di pecho compara cu esunnan cu menos di 20 20 ng/ml”, según e investigador Cedric Garland. E riesgo di cancer tabata según e nivel di vitamina D den sanger tabata subi, e comunicado ta sigui bisa
• Pa alcansa e nivel recomenda di vitamina ta necesario consumi suplementonan dietetico y alimento cu ta contene 400 pa 600 unidad internacional pa día.
• E dosis por wordo rebaha poco poco, semper y cuando e persona ta exponi na rayonan di solo durante 10 pa 15 minuut pa dia.
• Sin embargo, si e consumo diario ta supera e dosis seguro di vitamina D, e persona por haya mareo, baha di peso demasiado, problema cu e ritmo cardiaco y insuficiencia renal.
RT Actualidad

Comments

comments

C: Heineken
new india