new india
rbc nov
caribbean
Home Internacional Virus peligroso na Boliva awo ta cobra bida di un dokter

Virus peligroso na Boliva awo ta cobra bida di un dokter

Fast Delivery
dvg

LA PAZ, Bolivia – Autoridadnan Boliviano ta mantene e maximo nivel di “biosiguridad” pa trata e arenavirus, cu diaranson a cobra vida di un dokter, e di tres victima mortal confirma den e pais, mei mei di criticanan di e colectivo di salud pa falta di apoyo.
E minsiter di Salud di Bolivia, Gabriela Montaño, a bin dilanti di e medionan di comunicacin di La Paz despues di e morto den un hospital di un dokter cu a keda contagia pa e virus aki, despues di varios siman den intensive care.
Montaño a lamenta e morto a pesar di tur e esfuersonan pa salba su vida, pa cual gobierno di Bolivia a pidi apoyo di e Organisacion Mundial di Salud (OMS) cu a manda cuater experto pa e pais.
Autoridadnan a enfatisa cu su ministerio lo mantene tur e medidanan, den caso di otro dokter contagia cu ta sigui di ta den intensive care den un hospital capitalino, y pa busca un posibel origen di e virus den ‘knaagdieren’ den un zona selvatico subtropical di e pais.
Montaño a recorda cu tres pashent inicialmente sospechoso ya caba por a bay cas, sin cu a constata casonan nobo, pa cual el a enfatisa, pa trankilisa e poblacion, cu ta existi solamente risico di contagio cu hendenan cu ta malo.
E sintomanan ta entre otro keintura y dolornan na varios parti di e curpa, cu’n periodo di contagio di 21 dia, el a bisa.

Comments

comments

ban serio
jolley: Aveo sept