SANTIAGO, Chile- E virus Hanta a bolbe cobra un vida na Chile. E hues di Famia na Santiago, Oscar Andres Saavedra Gianini, a fayece diamars pa contagio di Hana, segun e Poder Hudicial di Chile a informa.
Probablemente e magistrado di 38 aña a contagia cu e virus durante su estadia den e ciudad di Coyhaique, unda el a participa den e di 45 Convencion Nacional di Magistradonan celebra entre 5 y 9 di October ultimo, según e corant El Mercurio.
Mientras tanto, María Alejandra Ceroni, otro hues ta den hospital, despues cu el a test positivo den un prueba di e virus Hanta, despues di e haci e mesun biahe cu Saavedra Gianini”, según medionan local.
E Ministerio di Salud a sigura cu e “transmision di e malesa di un persona pa otro ta poco probabel”, y a duna e sintomanan di e virus, cualnan ta keintura riba 38º C, dolornan di musculo, dolor di cabez, sacamento y dolor di bariga y ta conseha tur cu a bishita e zona di potencial contagio cu nan consulta di forma inmediato pa e servicionna local di urgencia.
Door cu e principal portador di e virus ta raton, varios experto a señala cu e aumento registra ta bin door di e incremento den e reproduccion di e animalnan aki. Un di e causa di esaki por ta e aumento di temperaturanan di e pais y candelanan di mondi cu ta provoca e migracion di e animalnan aki pa varios area pobla.
Fuente: https://actualidad.rt.com