BOGOTA, Colombia – E centro Panamericano di e Keintura Aftosa (Panaftosa), dependiente di e Organisacion Panamericano di Salud (OPS), a confirma cu e virus cu a presenta na Colombia ta di origen Venezolano, segun un informa difundi na Colombia.
E gerente general di e Instituto Colombiano Agropecuario (ICA), Luis Martinez Lacouture, a señala den un comunicado cu ora a haci e analisisnan cu tabata busca pa establece e origen di e casonan di aftosa registra den e pais “a mustra cu e ta similar na e virusnan Venezolano.”
E minister di Agricultura di Colombia, Aurelio Iragorri, a informa cu dos foco nobo di aftosa a wordo detecta den e departamento di Norte de Santander, frontera cu Venezuela y na Cundinamarca (centro).
Iragorri a indica cu un caso a wordo descubri den un finca di e caserio di San Faustino, hopi cerca di e frontera cu Venezuela, den Norte de Santander y otro na Tibacuy, na Cundinamarca, departamento di cual Bogota ta su capital.
Panaftosa ta e Centro specialisa di e Organisacion Panamericano di Salud/Organisacion Mundial di Salud (OPS/WHO) cu a desaroya desde su creacion na 1951 un importante trabao den e control y eradicacion di e keintua aftosa. Al respecto, e directora tecnico di Epidemiologia Animal di ICA Olga Diaz, a aplica den e mesun comunicado cu na e momento ey “no ta exactamente igual, pasobra ora drenta den teritorio Colombiano, ta cuminsa na replica y na modifica su cadenanan, pero ora di haci analisisnan filogenetico, e ta mustra den e zona cercano na e virusnan Venezolano.”
Fuente: www.ntn24.com