Tecnologia
E.o., e ‘software’ malicioso aki ta capas di wak y recopila chatnan di Facebook Messenger, WhatsApp, Skype o Viber.
E compania Ruso di siguridad informatica Kaspersky Lab. a descubri un poderoso ‘software’ malicioso pa e sistema operativov Android cu ta posee un amplio gama di capacidad nunca antes bisto. E virus, denomina ‘Skygofree’, por rastrea e ubicacion di dispositivonan infecta y activa e microfoon y e camara sin cu e victima haya sa, pa despues graba combersacionnan y saca potret.
Ademas, e ta capas di conecta e ‘smartphone’ of e tablet afectaa ariba red di WiFi bou control di piratanan informatico, cu e fin di obtene datonan di acceso na email, carchinan di banco y portalnan riba cual e victima ta suscribi. E por tambe wak y recopila chatnan di servicio di mensaheria instantaneo manera Facebook Messenger, WhatsApp, Skype o Viber.
Te cu awo, e software malicioso aki lo a wordo uza unicamente na Italia, pero e empresa Ruso no ta descarta cu den futuro e por pasa pa otro pias.
Fuente: https://actualidad.rt.com/