LONDON, Inglatera – Varios hospital Britanico y empresanan Spaño manera Telefonica, tabata obheto di un ciberatake cu un virus “ransomware”, sin cu tabata sa di e momento si ambos incidente tabata relaciona.
Den e caso di e hospitalnan Britanico, e atake a obliga na desvia ambulance, suspende citanan rutinario y hasta, segun un testigo a bisa AFP, intervencionnan kirurgico altera.
“Cierto organisacionnan di NHS a informa na NHS Digital cu a wordo afecta pa un atake informatico,” e Servicio Nacional di Sanidad, a anuncia (NHS).
Un vocero di e hospital Saint Bartholomew di London, a bisa nan tabata sufriendo di “problemanan informatico grave” y retraso den su cuater establecimentonan.
“Nos ta lamenta di tin cu cancela citanan rutinario,” e vocero a añadi, precisando cu nan a desvia nan ambulance na otro establecimentonan.
E Centro Nacional di Cibersiguridad Britanico tabata asistiendo den e investigacion di e incidente, aparentemente provoc pa e transmision di un virus yama Wanna Decryptor, a el a afirma.
Practicamente e mesun ora, varios compania Spaño, entre nan e gigante di telecomunicacion Telefonica, tabata victima di un ciberatake cu un virus di e mesun tipo cu esun Britanico.
“E atake a afecta puntualmente na ekiponan informatico di trahadonan di varios compania. Por tanto, no ta afecta ni na e prestacion di servicio, ni na e operativo di red, ni na e usuari8o di dicho servicionan,” e ministerio a bisa den un comunicado publica na Madrid.
E ciberatake “no ta compromete e siguridad di e datonan ni ta trata di un fuga di dato,” e Ministerio di Energia a insisti, cu tambe ta encarga di e cuestionnan digital.
E centro Criptologico Nacional (CCN) Spaño, e division di e servicionan di inteligencia encarga di e siguridad di e tecnologianan di e informacion, a sigura cu ta trata di “un atake masivo di ramsomware”, cu ta afecta e “sistemanan Windows, cifrando tur nan archivonan y esunnan di e unidadnan di red cu ta conecta na dje.”
E “ransomware” ta un programa informatico chikito.
Una bes afecta, e usuario no por accede na nan files mientras cu nan no paga un rescate.
Ciberatake mundial
Sistemanan informatico di empresa y institucionnan di diverso pais na Europa y Asia a wordo ataca den un ciberatake riba escala internacional, segun e Gobierno Britanico a confirma diabierna.
“E ta un atake internacional y tin un serie di pais y organisacionnan afecta,” e prome minister Britanico, Theresa May a bisa, despehando temor cu ta trata di un atake specialmente diseña contra institucion di e sistema di salud di su pais.
Ta trata di un software malicioso conoci como “ransomware” cu ta infecta y blokia e archivo y sistemanan informatico y ta pidi a cambio un compensacion economico pa libera nan, medionan di paisnan afecta a wordo informa.
E empresa Ruso di siguridad informatico Kaspersky a calcula awe den mas di 45 mil di e ciberatakenan perpetra pa e virus di e tipo ransomware, cu a golpia e infrastructura di 74 pais.
“Te na e momento nos a registra 45 mil atake (…) den 74 pais. E cifranan ta sigui aumenta inusitadamente,” Costin Raiu, director global di e ekipo di Investigacion Analisis di e Laboratorio Kaspersky a skirbi, riba su cuenta di Twitter.
Raiu a agrega cu e mensahe cu ta encabesa e ciberatake, cu a afecta paisnan manera Spaña, Reino Uni, Turkia, Ucraina y e propio Rusia, ta skirbi na Rumano, pero no pa un local.
Fuente: http://www.eluniversal.com