CALIFORNIA, Merca- E empresario Britanico Richard Branson diabierna ultimo a declara cu su empresa di vuelonan espacial Virgin Galactic lo hiba cualkier persona cu tin gana di biba e experiencia di ta un astronauta, den orbita, prome cu Pasco. E multimiyonario a bisa di ta “basta sigur”di cu e compania lo por alcansa su obhetivo pa fin di aña.
E pilotonan di prueba lo efectua e prome biaha pa espacio sin niun hende mas a bordo, den un nave espacial suborbital SpaceShipTwo. Branson a precisa cu personalmente, esaki lo ta e prome vuelo pa espacio pasahero y despues Virgin Galactic lo duna e mesun oportunidad na turistanan cu por paga e biahe. Aunke e prijs di vuelo lo ta di 250 mil dollar pa pasa un dia den espacio, ya tin varios persona den rij caba pa cumpra un ticket.
Si e logra di lansa su prome biahe pa espacion prome cu aña caba, Virgin Galactic lo vence su competidonan, manera Blue Origin, di Jeff Bezos, y SpaceX, di Elon Musk. Sin embargo, e mutimiyonario a afirma cu “e siguridad ta unico cos cu ta importa” den loke biahe espacialnan ta referi.