MEMPHIS, Tennessee – E caso teribel di e violacion di un muhe di 31 aña, a yama atencion di e comunidad di e ciudad di Memphis, den e estado di Tennessee, ya cu autoridadnan a tarda 16 aña pa haya e responsabel di e teribel crimen aki, aunke cu entre e evidencianan haya, nan tabata tin nomber di e culpabel.
E insolito suceso a sosode na Augustus di 2001, ora cu e victima tabata cana su so den un area industrial di e ciudad. Thomas Maupin, autor di e agresion, a sigui’e, pa despues atak’e y hink’e na su cara cu un obheto skerpi.
Segun un informe comparti riba e website di The Washington Post, e obheto di metal lo a bora parti di su kaak te na e parti superior di e boca di e hoben. Indefenso y herida, Maupin a oblig’e pa e realisa sexo oral.
Parce, polis lo a yega na e luga di e hecho, hayando algun piesa di evidencia di e asalto sexual, entre nan un caha di djente. Tur evidencia a wordo warda pa autoridadnan a cargo di e investigacion. 16 aña despues di e hecho horibel aki y cu e caso ainda sin resolve, a descubri cu e piesa di e djentenan falso tabata tin un nomber, di cual por tabata e clave pa haya e responsabel.
Thomas Maupin, di 67 aña a converti e ora eynan den e principal sospechoso di violacion. No a tarda hopi pa confirma e pasado criminal di e homber, kende ya tabata den prizon, pa asesina un mucha muhe di 6 aña.
Siman pasa e homber a wordo declara culpabel di violacion y a wordo sentencia pa pasa 8 aña den prizon.
Fuente: www.PeopleEnEspañol.com