Director di Dienst Volksgezondheid (DVG) a haci recientemente denuncia di un hecho castigable na Ministerio Publico, esta, di violacion di secreto profesional y/of publicacion di secreto profesional. Esaki relaciona cu publicacion di informacion di pacientnan. Ta trata di un lista cu nombernan di personanan cu a test positivo pa Covid-19 na Aruba. E lista aki a wordo comparti intensivamente door di publico via social media.
Ministerio Publico a ricibi e denuncia di director di DVG.
Violacion di secreto profesional y/of publicacion di un secreto profesional ta un hecho castigable cu por wordo castiga cu prison of un multa. E ciudadando cu intencionalmente publica of plama informacion secreto, perhudicando otro hende, tambe ta comete un hecho castigable. Tur persona mester por confía cu nan información secreto cu gobierno tin di nan, ta keda secreto!
- Latest
