Internacional: Un grupo di 5 homber ta wordo acusa di a viola un adolescente di 14 aña durante celebracion di aña nobo na Argentina. E 5 sospechoso nan a keda deteni pa violacion, un delito caminda por haya 20 aña di prizon na Argentina. E violacion a tuma lugar den un tent na un camping na e ciudad na costa, Miramar na provincia di Buenos Aires.
E famia di e denunciante a huur un bungalow pa celebra temporada di fin di anja. Madruga e mayornan a haya di nan yiu muhe y nan a sal bay busk’e. E mama a bin haya su yiu de e tent cu e 5 hombernan di entre 21 pa 23 anja. E yiu tawata burachi y a conta su mama cu nan a viole. E tata a yama Polis y nan a entrega keho mesora. Fiscal a ordena pa preserva e sitio di e crimen y laga tur acusado haci test. Argentina ta den shock pa e e crimen aki. E 5 sospechoso nan ta amigo di otro. Nan a yega na e camping hunto pa celebra anja nobo. Nan ta di ciudad Mar del Plata, 50 km di Miramar. E tent a wordo confisca pa investigacion, hunto cu paña di e mucha muhe. Hende nan cu tawata keda den e camping tambe lo wordo interoga.
Cortesia: El Pais.