Diadomingo anochi tabatin un vigilia na e cruzada di Alhambra Casino pa e ciclista kende a wordo gedal diabierna atardi. E persona a keda gravemente herida y diadomingo madruga a drenta e noticia tristo cu el a fayece. Amigo y famianan y demas ciclistanan a bini hunto p’asina sende bela y resa pa descanso di e hoben aki. Un hoben cu a caba di haci aña y tabata bayendo pa inscribi na SVB despues di a dal un chapuson den lama. E actividad aki tambe ta pa manda un mensahe un biaha mas pa automobilistanan cu no ta duna atencion pa cu ciclistanan.
Aunke cu den e caso aki ta e ciclista tabata esun fout pero esaki no ta kita e hecho cu automobilistanan no ta tene cuenta cu ciclistanan. Ultimo temponan aki ta masha masha ciclista ta haci uso di nos careteranan y ta urgi automobilistanan pa tene cuenta cu ciclistanan pasobra ta hopi ciclista a perde nan bida pa situacionnan fastioso cu auto envolvi. Amigonan a trece un bicicleta color blanco y a pone diferente bela riba dje p’asina tene un minuut id silencia y resa pa descanso di alma di e hoben De L’lsle aki cu den flor di su hubentud, pa un fout di su mesun banda, ta perde su bida den forma cruel. Cu e hoben aki descansa na PAZ.