E tema di videogaming adiction, ta un tema cu FADA y tambe CEA ta para keto un rato na dje. Sra. Rulienne Arends, di FADA ta amplia mas ariba esaki.
Na september, un delegacion di FADA tabata tin e oportunidad di bay Corsou pa un conferencia tocante e adiccion na videogaming y tambe internet. E tabata tin un conferencia di tres dia, caminda tabata tin dos invitado, un di Hulanda y otro di Merca. Cada un tabata tin e oportunidad di papia di nan tema, y unda cu videogaming a bin dilanti. Aki na Aruba tameb mester para keto, ya cu e edad di e muchanan cu ta cuminsa hunga diferente weganan ta relativamente jong.
Rond di cada un di nos, segun Sra. Arends, tin un mucha chikito cu ora cu e mucha cumisna yora of haci fastioso, e adulto mes ta duna e mucha e telefon of e tablet, pa wak video of hunga weganan riba telefon. No ta solamente Xbox, Playsation, etc. Muchanan ta cuminsa na un edad relativamente jong.
Pero sin lubida e grandinan, cu tambe tin weganan manera Candy Crush, cu ta similar na Casino. Esaki tameb por ta un problema. E por yega na un adiccion. E persona mester tin control di cuanto tempo e muchanan of hobennan ta pasa riba dje y ki tipo di wega muchanan ta hunga. Mester tene cuenta kico nos mes ta introduci nos yiunan na dje.
FADA tin charlanan tocante tecnologia y e weganan manera Fortnite, Call of Duty, Grand Theft auto y tur e weganan aki ta di tiramento y matamento. E tipo di weganan aki ta lihe pa download. Y no tin manera di block e weganan aki.
E miho manera pa controla, ta pa e adulto, y esakit a palabranan cu ta bin for di un hoben di Corsou cu a comparti su testimonio, cu tabata tin problema cu gaming for di su 11 aña. Y como hoben, el a bisa dilanti tur esunnan presente ta cu e hendenan awendia, tin miedo di loke e mucha tin di bisa. Si e mucha spanta of rabia, di biaha ta dun’e loke e kier. Pero e adulto mester tin control ariba e parti akinan. Den sentido di cu mester monitor kico e yiu ta wak ariba e tablet, kico e ta haci cun’e. No djis dun’e e telefon of tablet y laga e mucha pa su cuenta, mientras cu e mayor mes ta haci otro cos. Mester tin control estricto ariba e muchanan.
No ta tur mucha tin acceso na telefon, mester corda esey. Hopi mucha tin acceso na un Playstation y e adulto sa cu tur e weganan manera Call of Duty y Gran Theft auto mester tin cierto edad pa hunganan. Y mayornan ta laga e muchanan hunga, sin bira wak y controla kico e mucha ta hunga.
Mester corda, cu den cas, ta e mayor, como adulto ta esun cu ta dicidi y no e mucha, segun Sra. Rulienne Arends, di FADA.