GWINNETT, Georgia – Polis ta spera cu un hende por yuda identifica dos ladron. Nan a wordo gara riba camara ora cu un dama den e cas a tira riba nan.
El a eherce su derecho di defende su hogar y propiedad,” segun capitan Deon Washington, miembro di e Departamento di polis di Gwinnett County, a bisa na Nicole Carr, di Canal 2.
Imagennan di video di paden di cas ta mustra e dama ta core sali for di camber y despues a descarga e balanan riba tres homber cu tabata dal contra di su porta dilanti.
E dama ta un gerente di restaurant local, kende ta kedando na un cas na Spring Drive pa rasonnan relaciona cu trabao.
El a scucha e tres invasornan drenta den e cas rond di 4’or di mainta. Diabierna, e video a mustra cu e hombernan tabata tin arma claramente den nan man.
Polis a bisa cu e hombernan tabata busca placa ora cu nan a topa cu nan pareu.
Mientras cu nan tabata intercambia di tiro cu rastronan di e drywall den e scuridad di e cas, e video ta mustra cu un di e hombernan ta pasa door di un porta di glas.
Un otro homber a muri di su heridanan den cura.
E video despues ta mustra e muhe wordo consola pa un compañero di cas, kende gentilmente a kita e arma for di dje.
“No ta comun cu nos ta ricibi e caliber di imagennan di video mustrando un crimen tumando luga, un invasion di cas real, ” Washington a bisa.
Awor polis mester haya e otro dos sospechosonan.
Nan no tabata tin nada cubriendo nan cara asina ta cu e ta altamente anticipa cu un hende cu mira noticia por reconoce e personanan aki,” Washington a bisa Carr.
Polis ta pidiendo si por sa algo di e incidente, pa por fabor yama e departamento di polis di Gwinnett.
Fuente: www.wsbtv.com