GENEVE, Suisa – E uzo di repiticionnan di video pa revisa e decisionnan den Mundial di Clubnan a logra “resultadonan hopi positivo,” presidente di Fifa, Gianni Infantino, a bisa.
E sistema a wordo uza pa prome biaha riba diaranson, pa aplica un penalti den e victoria di Kashima Antlers 3-0 riba Atletico Nacional, caminda cu e referee a wordo alerta pa su asistente.
Marco van Basten, e director di desaroyo tecnico di FIFA, a bisa cu e decision “a tuma algun segundo dimas.”
Pero infantino a bisa cu “transparencia y husticia a wordo treci na e wega.”
A uza e ripiticionnan di nobo ora cu Real Madrid a derota Club America 2-0 den e semi finalnan riba diahuebs.
Referee Enrique Caceres brevemente a pidi pa consulta prome cu a permiti e gol di Cristiano Ronald reposa.
“Na final e tabata bon y a tuma e decision corecto,” e ex delantero Hulandes, van Basten a bisa. “Solamente e comunicacion entre e asistente di video arbitro y e referee no tabata optimo.”
Refereenan asistente di video a asisti oficialnan durante dos wega amistoso e aña aki, pero e Copa di Clubnan Mundial ta representa nan prome uzo den un competencia di FIFA. Uzonan previo ta loke cu FIFA a yama un “semi live” scenario, caminda cu e refere no tabata por a revisa decisionnan riba un monitor.
Fuente: BBC Sports