Rulienne Arends di Fundacion Anti Droga Aruba, FADA a duna di conoce cu tin hopi aña caba ta duna informacion di uso di video gaming y parti celular. Segun aña e peticion di charlanan aki a bira hopi mas di parti scol y te hasta mayornan cu a aserca FADA pa papia cu muchanan cu a bira exisivo.
2018 video gaming a wordo conoci como un adiccion, ora papia di adiccion tin diferente factor ta bin dilanti, no ta solamente cu e muchanan ta pasa algun ora den e wega, pero tin mas cos ta bay atras. Scol, parti social ta bay atras y e ora ey ta papia di posibel adiccion. Rulienne Arends a duna di conoce cu di parti scol y mayornan a drenta informacion cu e muchanan ta perde e control cu nan ta usa e aparatonan y di parti FADA ta splicanan kico t’e pro y contra, pero tur cos ta cuminsa na cas tin cu bin cu regla cu tanto ora ta haci uso di e telefon of e gaming y no tin problema cu e mucha no lo tin hopi ora ta use.
E no ta alarmante, pero tecnologia ta avansa y e parti ey nos tin cu avansa cune pero mester tene cuidao cu e peliger y tin cos tin su parti bon y parti malo. Ta ripara cu muchanan ta traha fake account y ta bully otro, y te hasta potretnan no adecua cu ta sa y ta manda otro. Tur cos ta na cas ki edad mayor ta permiti e mucha pa tin celular y ki edad ta permitie di tin un social media.
