Rulienne Arends, trahado preventivo na Fundacion Anti Droga Arubano, a comenta tocante e video clipnan nobo cu a saca pa cu e tema di Amigo Didi tocante cosnan cu ta sosode aki na Aruba y kico ta e tarea di un Amigo Didi.
E video cu actualmente ta cla pa lansa ta ilustra cosnan cu ta wak diariamente. A scoge pa lans’e durante temporada di vakantie, mirando e muchanan y hobennan cu ta liber di scol, e turistanan cu ta bin e temporada aki, e studiantenan cu tambe ta bin pasa vakantie na Aruba. E personanan cu a forma parti di e video aki ta un grupo di amistadnan. E video lo ta uno cu Rulienne ta spera cu lo touch hopi hende y cu ta ilustra e bida den clubnan nocturno.
Rulienne ta splica cu pueblo por keda pendiente pa un presentacion cu lo tin den luna di October. Ya tambe a cuminsa traha riba diferente idea pa Carnaval. E ta spera cu e video ta un exito y ta sigura cu mas videonan lo bin na caminda.