E ekipo Suramericano ta mantene su mes den e lucha pa e pase pa kwartfinal, mientras cu un otro club Europeo ta bisa ayo na mundial.
E seleccion di Colombia a gana di Polinia, den e wega hunga den Kazan Arena, sigurando asina su permanencia den e lucha pa nan pase pa e siguiente buela. E victoria cafetero di 3-0 ta nifica tambe e eliminacion di e Polaconan for di Mundial Rusia 2018
Den un duelo na morto pa grupo H, e marcador ta habri na di 39′ pa Yerri Mina, pa asina recupera despues di e derota doloroso contra di Japon. E defensor a probecha un corner di James Rodriquez y asina ta score e prome gol despues di un atake continuo di e seleccion Colombiano.
Robert Lewandowski y su ekipo, no obstante, a cuminsa complica e partido pa e Colombianonan cu varios fault y interupcionnan, cu a wordo neutralisa cu posesion, contragolpi y cabes frieu di parti di Colombia na inicio di e di dos tempo.
Y asina e espectaculo Suramericano a cuminsa: na di 69′ despues di un pase elegante di Juan Fernando Quintero, e atacante Radamel Falcao a mustra su destreza den un mano a mano cu e keeper Wojciech Szczesny y ta manda e bala den e net.
E anotacion Colombiano ta parce di a sentencia e Europeonan, cu den e minuutnan cu a sigui a wak con e Colombianonan tabata bira mas y mas brabo: un contra atake Colombiano npa luci y asina burla di e defensa Polaco y a manda un pase den fondo paJuan Cuadrado, cu dilanti di e keeper, ta pasa e bala y mande den net pa e gol di victoria.
Asina tambe, Colombia por hala rosea den grupo H y ta cuminsa pensa ariba e duelo contra di Senegal, unda cu e lo ta hungando su clasificacion pa e sigueinte buelta di e Mundial Rusia 2018.