Victor Raphaela sorprendi di ta empleado di juli di Hospital

0
RBC Juli 2018
Funmiles-2018

Tur luna Dr. Horacio E. Oduber Hospital ta anuncia su empleado di luna y pa luna di Juli a saca un empleado di e departamento di Facility, esta Victor Raphaela, Medewerker Keuken/Receiver. Den un ambiente ameno, empleadonan di departamento di facility y hunta di Directiva di Hospital a yega hunto pa sorprende Victor Raphaela.

Victor Raphaela ta un tremendo persona, semper ta alegre, asina Anthony Irausquin, Facility Manager di Hospital, a duna di conoce. E ta un persona cu ta cana bin di leu ta fluit, specialmente ora Real Madrid gana. E ta un persona balente y ta un ehempel p’e muchanan hoben cu ta traha den cushina di Hospital, semper e ta dispuesto pa yuda na cualkier momento. Victor Raphaela gusta guia e hobennan y den tur forma e ta un tremendo persona. E ta un role model p’e departamento completo, specialmente e muchanan hoben por siña hopi di dje, asina Anthony Irausquin a duna di conoce.

Werner Drent, Executive Chef, tabata entusiasma cu a scoge Victor Raphaela como empleado di luna, pasobra e ta un persona cu nan ta depende di dje. Den cushina Victor Raphaela ta cana rond unda e ta mira y scucha tur cos y ta haci hopi cos pa otro. Werner Drent a duna di conoce pa su departamento esaki ta importante. Victor Raphaela ta un persona importante pa nan pasobra si tin un hende malo of di vakantie e ta percura pa yuda sin pidi. E departamento ta felicit’e pa ta e empleado di luna.

Na aña 1954 Victor Raphaela a cuminsa traha den cushina di Hospital, unda el a cuminsa como labado di coy kibra. El a bay curso di coki y a siña pa 1 aña. El a sigui bay otro curso, unda el a traha cu carni y a haya certificado den esaki. Pa Victor Raphaela di a bira empleado di luna tabata un sorpresa pasobra e no a spera esaki. E ta contento cu Hospital y Chef Werner Drent ta mira kico tur e ta haci den su trabou y a dicidi di dune e bunita reconocemento aki.

Comments

comments

C: Heineken
new india