BOGOTA, Colombia – E victimanan di e conflicto arma cu a participa den e dialogo di pas di Havana entre e Gobierno Colombiano y FARC, a felicita diasabra e presidente, Juan Manuel Santos, pa e Premio Nobel di Paz y a pidi agilisa e acuerdo definitivo pa caba cu e violencia den e pais.
“Nos ta felicita e presidente pa su esfuersonan decidido pa hiba na su fin mas di 50 aña di guera civil den e pais cu a haci’e merecedor di e Premio nobel di Paz 2016”, nan a bisa den un comunicado.
E afectadonan a indica den e texto cu nan ta sinti nan mes “honra” cu e reconocimento mundial otorga na Santos, cual nan a asumi “como propio.”
Cu tempo, nan a gradici e “persistencia, dedicacion y compromiso” cual e hefe di estado a lidera na e “reconciliacion nacional” y a indica cu e merito tambe di e ekiponan negociador.
Precisamente, nan a pidi na e mesa di negociacion “redobla su esfuersonan pa agilisa e acuerdo definitivo” y a propone un “gran pacto social y politico cu ta proscribi e violencia politico na Colombia.”
E Comite Nobel di Noruega a anuncia diabierna cu e hefe di Estado a obtene e galardon como apoyo na su decision di invita tur e partinan pa participa den un amplio dialogo nacional pa e proceso di paz no muri.
E acuerdo final entre e Gobierno y di e Forsanan Arma Revolucionario di Colombia (FARC), firma dia 26 di September na Cartagena, no por a wordo ratifica pa votacion popular dia 2 di October ultimo.
“No” a gana cu 50,21% di e votonan, mientras cu e “si” a alcansa e 49,785%, loke a desata un crisis cu a obliga e presidente, Juan Manuel Santos, na convoca e opositornan di e Casa de Nariño, sede di e Ehecutivo, pa purba di yega na un consenso y salba e proceso cu e guerilla.
“Nos ta suma na e clamor di unidad nacional pa paz, dialogo y e fraternidad entre e Colombianonan, nos ta reconoce den tur y cada un di e votantenan den e referendum, e anhelo di alcansa e reconciliacion di e pais y contribui na crea un futuro miho pa generacionnan nobo,” e victimanan a splica.
Fuente: NTN24