ZOETERMEER, Hulanda – Adrie den Engelsman for di Zoetermeer, a keda, segun Ministerio Publico na Februari di e aña aki, decapita pa dos bisiña.
Esaki a resulta for di e dagvaarding cu a wordo treci dilanti contra un homber di 39 aña y uno di 45 aña for di Zoeterrmeer, kendenan lo bay sinta den un pro-formazitting dia 15 di Juni, dilanti corte na Den Haag. Nan ta wordo acusa di asesinato.
Nan ta wordo sospecha di a hinca nan victima mata den su cas situa den Leopoldhove na Zoetermeer y a decapit’e cu un cuchiu. Esaki, segun Ministerio Publico, lo a sosode den e periodo di 5 pa 28 di Februari. Riba e ultimo dia, e curpa di homber a wordo haya pa polis alerta. Habitantenan den vecindario a constata cu e porta no a wordo habri mas y tabata hole morto. E sospechosonan a wordo deteni rapidamente despues di e morto.
Fuente: www.telegraaf.nl