Vice Minister Ali Padron: E ferry lo ta un brug entre Venezuela y e 3 islanan ABC

Pa vice minister di turismo di Venezuela, Ali Padron, e meta di e ferry ta pa traha un brug pa por trece turismo di Venezuela pa Aruba y hiba turismo di Aruba pa Venezuela, pasobra esaki tabata un necesidad hopi grandi cu tabata haci falta.
E bentaha di e ferry ta cu e ta sali for di Paraguana. E ta un ferry hopi moderno cu lo bay bin Aruba, Corsou y Boneiro y cu e lo bay tin e oportunidad pa trece Venezolanonan pa e tres islanan y tambe hopi importante pa hiba turistanan di e islanan aki pa Venezuela, pa ta tambe ta turistanan na Venezuela. Ta un noticia grandi pa e paisnan aki cu proximamente lo ta inaugurando e ruta di e ferry.
Segun Padron, Gobierno di Aruba a señala esaki, cu no mester mustra e 100 mil personanan cu ta biba na Aruba, sino e cantidad di turistanan cu ta bin for di Europa. E ta un plataforma pa turismo di Europa cu ta bin den Caribe. Pero tambe pa e ta un multidestino. Na Venezuela ta wak mas leu, atrabes di e colaboracion di Aruba, Venezuela por ta riba mercado, entre otro esun Europeo, cu por ta bishitando Venezuela, atrabes di e multidestino, segun Padron.

Comments

comments