Via radar a capta boto yegando zuid di Curacao a haya bultonan di droga

Diasabra ultimo RCC e Centro di Rescate Curacao a detecta un boto sospechoso riba radar cu tabata nabega for di direccion zuid den direccion di Daaibooi. RCC a dirigi e avion di Warda Costa pa bay na e contact pa investiga esaki. Na yegada na e localidad, tripulacion di e avion a mira con paketenan tabata keda transferi for di e boto den un vehiculo riba tera. Despues di esaki e vehiculo a sali core cu velocidad halto direccion caminda publico y e boto a nabega bay.

RCC mes ora a informa polis y duana pa bay en buskeda den e area di Daaibooi. Autoridad a haci un entrada hudicial riba indicacion di e avion den un cas den bisindario. Riba e tereno pega ey banda sistematicamente a haci buskeda durante cu a haci uso di ekipo di buskeda specialmente entrega y prepara di defensa area Caribe. E helicopter di Warda Costa a keda despelga den esaki bulando varios biaha riba e area pa asisti e partnernan.

Esaki ta un ehempel di bon colaboracion entre Warda Costa, autoridadnan local y defensa, durante cua diferente pakete cu droga y un arma a keda intercepta.

Comments

comments