Veto den Senado Mericano na e uzo di forsa militar na Venezuela

WASHINGTON, D.C., Merca- E republicano – y democraatnan den Senado di MErca no a logra yega na un acuerdo di apoyo na e presidente interino di Venezuela, Juan Guaido. Esaki ta door di e veto di e partido democraat na e uzo di forsa militar den e pais Caribeño, según NBC a informa diaranson.
Senadornan y conseheronan a splica na e cadena di television Mericano cu e iniciativa den apoyo na Guaido, di un gran consenso entre e dos partidonan, dificilmente lo yega na door di e exigencia di e negociadonan democrata pa explicitamente prohibi e uzo di forsa militar.

E mesun fuentenan aki a indica cu e senador Republicano Marco Rubio, hopi influyente den e strategia di gobierno di Donald Trump den reconocimento di Guaido como mandatario legitimo di Venezuela na luga di e actual gobernante Nicolas Maduro, no ta dispuesto na acepta un rechazo na intervencion militar.

Merca tabata e prome pais den reconoce Juan Guaido como presidente (interino) di Venezuela.

Trump ta insisiti di cu “tur e opcionnan”, incluyendo e militar, “ta riba mesa”, pa deroca Maduro y entrega e poder na kende te ultimo akinan, tabata diputado di e partido di oposicion Voluntad Popular (VP).

Comments

comments