Por ta algun biaha, ora bo bisti brassierre, bo a percibi algo incomodo, algo cu ta kibra e harmonia di bo pecho: e exceso di vet bao di e axilanan, of bao di bo brasanan.
Bo mester sa na prome luga, cu ta un problema hopi comun den hende muhe, sin importa e peso of edad.
Ta un area hopi concreto di nos curpa unda ta existi cierto tendencia na ora di acumula e vet dimas eynan y cu, tin biaha, ta extende te na e lomba, formando e rolnan molestoso cu tanto ta keda den evidencia ora cu nos pone paña preta.
Kico pa haci? Ta interesante recorda cu, apesar cu mas di uno a eligi pa pasa dokter, lo mas comun ta pa e bolbe aparece. No ta ni mucho menos un maldicion, ta cos di genetica.
Esey kiermen cu nos no tin mas opcion pa rindi y acepta e contenido aki entre nos axila y e pecho?
E aceptacion di e propio curpa ta semper e clave di bienester, no tin duda, pero por bisa cu esey no ta nifica cu nos no ta den nos derecho di cuida nos pa nos luci mas miho.
Si bo sigui e 5 clavenan aki bo por rebaha su presencia y logra pa e nota mucho menos.
NOs ta splicabo miho na kico ta debe e inconveniente chikito y con pa reduci su impacto.
Dicon ta acumula vet bao di e axilanan?
No tin rason pa obsesiona cu esey. Mescos cu nos a señala, e caracteristica aki ta algo hopi comun den hende muhe.
No obstante, si e vet bao di e axila ta añadi ta localisa den lomba cu ta impedi nos cierto tipo di paña dado su efecto antiestetico, nunca ta dimas tuma algun medida simpel cu, ademas, ta permiti nos mehora nos calidad di bida.
No obstante, nos ta mira awo cualnan ta e causanan mas comun di e acumulacion aki di vet bao di nos axila:
E musculacion di nos brasanan a perde firmesa pa motibo di edad of poco ehercisio.
E exceso di tehido mamario axilar tambe ta e causa mas habitual, ta trata di un condicion medico cu tin nomber: polimastia, sindrome di seno multiple of pechonan supernumario.
Den ocasion, por ta debe na un lipoma: ta trata di un condicion no canceroso inofensivo. E por ordo extirpa y no ta causa mayor problema.
Di otro banda, e por debe na un acumulacion excesivo di vet.
Mescos cu nos ta acumula na barica, vet, gluteo, muslo of bill, por wordo localisa na lomba, pecho y axila. E origen di esey casi semper ta genetico, manera ya nos a indica prome.
Señala tambe cu, si e vet aki ta aparece di un dia pa otro y acumula den nodulo, ta necesario comunica esaki di inmediato na nos dokternan: e por ta debi na un ganglio linfatico inflama.
Strategianan pa reduci e presencia di vet bao di axila
1.Kico pa come
Carbohidrato di grano hente (avena, aros y pasta integral, roggebrood (Rye bread).
Berdura (spinazie, spruitjes, boonchi erwt, wortel, artisjok, selder, pepino, lentils, garbanzo)
Citriconan (apelsina y lamunchi)
Webo
Awacati
Banana
Frutanan cora
Galiña of calacuna
Azeta di Olijfi
Simia di chia
2. Bebida “kimavet”
Ingrediente
2 artisjok (alcachofa)
1 liter di awa
3 wiel di anasa
Juice di un lamunchi
5 almendra chikito chikito corta.
Preparacion
Nos ta hirbo e alcachofanan cu e liter di awa.
Nos ta mescla den blender e anasa hunto cu e juice di un lamunchi y e almendranan corta.
Despues, nos ta mescla e awa herbi di e alcachofanan hunto cu e juice di anasa, lamunchi y e almendranan.
Nos ta tuma e bebida aki dos biaha pa siman, un ora prome cu cuminda.
3. Rutina di ehercisio pa fortalece e brasanan
Nos ta dedica mas of menos 30 minuut pa dia na e ehercisionan aki pa endurece y tonifica e brasanan.
Lo bo tin mester algun peso y paña comodo.
Nos ta cuminsa na bay boca abao, pa despues lanta e curpa cu ayudo di e brasanan.
Nos ta haci 20 ripiticion pa aumenta nos resistencia.
Nos ta bira boca ariba y nos ta lanta e pesonan mas of menos un 20 biaha.
Ripiti e ciclo te ora cu yega mey ora.
4. Tribi cu planking
Realisa e ehercisionan di planking, no ta tarea facil, tin mester di hopi resistencia y habilidad. Sin embargo, si nos custuma na dedica nos mes na e ehercisio aki 15 minuut di nos tempo cada dia, nos por mira resultado.
Na prome luga, nos ta drumi boca ariba.
Despues nos ta hisa nos curpa cu ayudo di un solo brasa y e punta di e pianan.
Nos ta wanta e posicion aki durante 1 minuut y ta ripiti cu e otro brasa.
5. Un forma eficas di disimula e vet di e axilanan: un bon brassiere
Ni mas ni menos. Si nos peso ta adecua, nos tin un bon salud y e unico inconveniente cu nos ta percibi ta e vet antiestetico bao di e axilanan, no tin problema: basta pa eligi un bon brassiere.
Evita brasierrenan cu tin cupnan chikito ya cu, ademas di peligroso, e por bao di paña y e ta wordo nota.
Busca brassiere specifico, cu esunnan cu tin un cobertura lateral superior. Ta loke tin un cup mas grandi y di su banda, strapnan mas hancho.
Danki na nan, e pecho ta keda completamente coregi, mescos cu e rolnan di vet. E paña lo kedabo sensacional.
Fuente: https://mejorconsalud.com