Diahuebs, 30 di November 2017 tabata ultimo dia cu e vespertino di nos hermana isla Corsou, LA PRENSA tabata den circulacion. Esaki despues di casi 60 aña.
Dia 5 di April 2017, doño di LA PRENSA, Sr. Chico Jonckheer a fayece y desde e tempo ey famianan a haci tur loke tabata na nan alcance pa sigui cu e operacionnan normal, mientras cu nan tabata buscando un cumprado pa tuma e corant aki over. Pero tur esaki tabata en vano. Ademas, e situacion economico a haci cu e operacion di e corant a bira sumamente dificil.
LA PRENSA ta yama danki na e pueblo di Aruba, Bonaire y Corsou pa e respaldo, e apoyo brinda den e ultimo 59 añanan. Danki na esunnan cu a labora cu LA PRENSA, cu amor y dedicacion, pa brinda un corant na nivel cu a mantene e tres islanan aki bon informa.
LA PRENSA ARUBA
Asina tambe, otro leyenda den noticia ta cera su portanan. Cuanto di nos reporteronan di awe, no a cuminsa na LA PRENSA. Pa hopi di nos reporteronan, LA PRENSA, tabata nan scol di periodismo, caminda cu nan a siña di e trabao aki y awe te ainda, di un of otro forma, ta eherce e trabao aki.
Pueblo di Aruba ta yama LA PRENSA ayo y ta gradici’e pa a tene nos pueblo bon informa.