Ayera, dia 10 di Mei, e version final di e acuerdo di Gobernacion 2017-2021 di pais Corsou a keda cla. Esaki ta entre partidonan PAR, MAN y PIN, cu tin atencion special riba enseñansa, formacion y combatimento di pobresa.
Den e acuerdo aki, ta para cada un di e ministerionan y kico ta e puntonan cu nan ta enfoca riba dje, como tambe kico ta nan plan pa gobernacion, incluyendo e tres puntonan ya menciona ariba.
Esaki ta como resultado di e eleccion cu a tuma luga dia 28 di April, caminda cu pueblo di Corsou a dicidi kendenan nan kier na mando y cual partidonan mas grandi, PAR y MAN a wordo uni pa partido di Suzy Camelia Romer, esta PIN.
Den e prologo nos por a lesa cu partido PAR, MAN y PIN ta comparti e pensamento cu hunto nan ta para dilanti un reto y tarea grandi pa trece union, decencia y trankilidad bek den comunidad di Corsou. Partidonan ta convenci cu Corsou merece un gabinete stabil, mas rapido posibel, cu ta dirigi riba bon gobernacion, integridad, cooperacion, siguridad, formacion, inclusion, ordo y inovacion, pa realisa e potencial di Corsou y asina aumenta e bienestar di su pueblo.
Hunto, e tres partidonan aki ta forma 12 asiento y a palabra pa forma un Gobierno nobo pa Corsou pa e periodo ya menciona, a base di e Acuerdo di Gobernacion aki.
A continuacion ta presenta e acuerdo completo, caminda e ta wordo reparti den e 9 carteranan ministerial.
Akuerdo di gobernashon vershon final