Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Wayaca, cu dia 29 y 30 di Juni 2017 lo bay construi dos verkeersplateau.
Dia 29 di Juni lo construi un verkeersplateau na altura Wayaca 16 y dia 30 di Juni na altura di Wayaca 12A.
Rutanan alternativo lo ta indica cu baricada y borchinan di aviso y e orario di trabou lo ta di 7’or di anochi y ta programa pa caba 3’or di marduga.
En conexion cu e trabou menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.