NEW YORK (AP) — Verizon lo haci un recorte di mas o menos 800 cupo di trabao, igual na 7% di su empleadonan den departamento di media y benta. reorganisando asina su division problematico.
E compania di servicionan wifi a spera di crea un negoshi publicitario cu lo por competi cu Google y Facebook. El a gasta mas o menos 10 biyon dollar cumprando ex pioneronan di internet Yahoo y AOL. Pero a resulta cu e beneficionan di e integracion pa e dos companianan aki tabata menos cu tabata spera. E compania a recorta e balor di su unidad den casi 5 biyon dollar na december.
E director general di Media di Verizon, Guru Gowrappan, a informa e empleadonan riba e despidonan den un email diaranson. El a bisa cu e prioridad di e division awo lo inclui focus ariba productonan mobil y di video y asina ta frena tambe e caida cu usuarionan di desktop.