WASHINGTON, D.C., Merca – Venezuela y Siria tabata a planea den e ultimo añanan pa evadi sancionnan internacional contra Siria uzando transporte di petroleo. E plan tabata encera pa bende petroleo di Siria na un prijs abao, of cu descuento grandi, via un compania Ruso fictisio, cu lo a manda esaki pa Aruba pa e wordo rafina y pa despues e wordo distribui den stationnan di gasolin na Merca y otro paisnan. Nomber di cierto personanan local tambe ta wordo menciona. No ta mucho cla si e plan ta den consideracion ainda pa ehecucion.
Den e articulo, tin nomber di un comerciante petrolero Wilmer Ruperti cu a confirma su participacion pa medio di un entrevista. Mes momento ela sigura cu e no tin parti mas den e caso aki. Ruperti lo a huur un cas luhoso na parti norte di Aruba, y a haci esaki via un agente di real estate, Oscar Helmeyer.
Un oficial di Citgo a bisa cu e compania actualmente no ta considerando y lo no considera importacion crudo Sirio pa suministra na Citgo Aruba. ”E compania ta comprometi na e operacion di Refineria Citgo Aruba cumpliendo cu tur ley aplicabel y esey ta inclui tur ley di sancion Mericano” e oficial di Citgo a bisa.
Mientras cu hopi funcionario na Aruba ta bisa cu nan no tabata tin conocemento di e plan petrolero aki, eleccionnan parlamentario cu lo tuma luga na september proximo, caminda cu e refineria lo por conberti den un peon politico. Su ciere a causa hopi sufrimento y desempleo. ORa cu Valero a cera su porta na Maart 2012, e tabata un di e dunado di trabao mas grandi di Aruba y esaki a hiba e isla den un recesión.
Fuente: www.bloomberg.com