CARACAS, Venezuela- Despues di cuater luna di protesta, Venezuela un biaha mas ta bolbe na un enfrentamento electoral entre oposicion y oficialismo.
Cerca di 18miyon Venezolano lo scoge e maximo autoridadnan di e 23 estadonan di e pais pa un periodo di 4 aña. Actualmente oficialismo tin 20 gobernacion bou di su encargo.
Oposicion ta spera di ripiti e resultadonan di e eleccionnan parlamentario di 2015, unda cu nan tabata tin un gran aceptacion popular, pero su poder a wordo anula door di husticia.
Presidente Nicolas Maduro a manifesta cu esun cu sali bay vota lo ta respalsando e Asamblea Constituyente. Ademas el a adverti cu e gobernadornan cu no sigui ordo di e Asamblea Constituyente, lo wordo kita for di nan cargo.
Final di e campaña a haya su criticanan pa parti di e candidatonan di oposicion cu a acusa CNE di inaccion di e abusonan di e politiconan oficialista. Tambe CNE ta wordo acusa di cambio di ubicacion na ultimo momento cu lo afecta 715 mil elector.
Presidente di Peru, Pedro Pablo Kuczynski, a pidi transparencia y imparcialidad den e eleccionnan. El a señala cu gobierno Venezolano mester “garantisa eleccionnan transparente y según loke ley ta dicta”.
Mientras cu presidente di Colombia, Juan Manuel Santos a invita Venezolanonan pa participa den e eleccionnan aki y ta spera cu esaki por libera e tensionnan den e ambiente politico.
Fuente: http://www.noticiasrcn.com