CARACAS, Venezuela-E ex alcalde opositor Venezolano preso Daniel Ceballos tin 50 dia aisla den e sede di Servicio Bolivariano di Inteligencia (Sebin) unda cu e ta deteni, segun denuncia di famia y compañeronan di e partido politico Voluntad Popular (VP).
“Ta 50 dia sin ricibi bishita, sin atencion y sin sa di e ta den bon estado di salud”, e diputado Gaby Arellano di e partido VP, funda door di Leopoldo Lopez, a declara na periodistanan. El a expresa su preocupacion pa e estado di salud di ex alcalde di San Cristobal.
Arellano a exigi pa permiti pa e famia y sernan keri wak Ceballos y a denuncia ademas cu “Daniel a wordo uza como un ficha di negociacion”, pero cu “nan no por a oblig’e”.
Ceballos a wordo deteni na Maart 2014 pa a duna su apoyo na e protestanan di e aña ey contra di gobierno y e tin tres aña y ocho luna preso, aunke cu e no tin niun proceso hudicial andando”, segun su abogado, Ana Acosta.