CARACAS, Venezuela – E produccion di petroleo na Venezuela a cay asina hopi, cu e doño di e reservanan mas grandi di mundo ta importando crudo pa prome biaha den 5 aña.
E produccion nacional a cay bou di 1 miyon bari pa dia na un minimo di 16 aña na maart. Esaki ta bin mei mei di blackout y sancionnan di Merca. Ora cu e interupcion di e suministro di energia a cera e posnan petrolifero, e tuberia y e wafnan, cual a tranca e infrastructura petrolero, e compania estatal Petroleos de Venezuela SA, a cumpra un cargamento di crudo for di Nigeria, miembro di OPEP, cual ta marca e prome importacion di crudo desde 2014.
Casi un miyon di bari di crudo ligero ta loke a wordo descarga diamars, despues di a load na comienso di april y cu por yuda na compensa e caida di e produccion nacional. PDVSA por uza e petroleo mas lihe aki como un tinner pa haci e crudo diki di Venezuela pa asina por extrae esaki mas facil for di e reservoirnan subteraneo.
E corientenan cu ta mescla cu e petroleo ligero cu ta wordo comercialisa como Merey 16, e petroleo exportado principal di e pais y un di e gradonan uza pa calcula e prijs di e macuto di petroleo di OPEP. E carga di Agbami probablemente lo wordo uza pa fabrica Merey ya cu e produccion di petroleo liviano a bin ta bahando den e ultimo añanan. Segun e ultimo datonan oficial disponibel, e produccion a baha te na mita entre 2006 y 2016, na 313 mil bari pa dia.