Mariem Velazco, Miss Venezuela Internacional 2017, a gana e di ocho corona pa Venezuela, certamen di beyesa cu e aña aki a celebra su edicion number 58. Esaki a wordo celebra den e sala municipal di e reconocido Dome di Tokyo di Japon.
E hoben di 20 aña, di Anzoategui, durante e desfile di e trahe di gala espectacular trahe inspira riba e flor nacional di Venezuela, e orkidea, diseña pa e Valenciano Alejando Fajardo. Riba su cabes e tabata tin un sombre cu e petalonan di e flor. Su bisti tabata uno color preto y cu tabata claria te na pia, cabando na biña.
E diseñor, cu tambe a crea e trahe cu e Patrona di Zulia, e Birgen di Chiquinquirá, a detaye e trahe cu e “trahe ta representa e femenidad di e muhe Venezolano, su pureza, su sensibilidad y su elegancia”.
E Miss International nobo semper tabata motiva y confia di su desempeño. Algun minuut prome cu e certamen a cuminsa, el a sigura di tabata tin bon expectativa relaciona cu e concurso di beyesa.
“Semper mi a kere cu niun soño ta dificil di alcansa si desde bo curason bo ta sinti cu di berdad bo por haci esaki”, Velazco a puntualisa na e medionan internacional.
Venezuela, pais cu mas corona conkista, sigui pa Filipina cu seis, semper tabata tin un participacion excelente den Miss Internacionl, siendo Nina Sicilia e prome Venezolano den obtene e titulo na 1985, sigui pa Consuelo Adler na 1997; Vivian Urdaneta na aña 2000; Goizeder Azúa na 2003; Daniela Di Giacomo na 2006, Elizabeth Mosquera na 2010, y recientemente Edymar Martínez cu a triunfa na aña 2015.
- Latest
