Djasabra último Olympia Taekwondo Association a organisá e kampionato internashonal di Taekwondo titulá TK5 Curaçao 2018 kaminda a partisipá Aruba, Curaçao, Venezuela, France Guyana i Sürnam. Tabata tin team di atleta infantil, Cadet i junior. E kampionato a bai den e sistema di tagteam kaminda tur pais a bini ku nan mihó atletanan pa kompetí kontra di otro. Mester bisa ku tabata tin peleanan hopi interesante i fuerte. Di tur e peleanan infantil ku tabata tin e team di Venezuela a sali na promé lugá, France Guyana na di dos lugá i na di 3 lugá a sali Surinam. Pa e kategoria di Cadet, Curacao a sa di Sali na prome luga i Aruba na di 2 luga. Pa e kategoria di junior tambe Curacao a sa di Sali na prome luga, France Guyana na di 2 luga i na di 3 luga Aruba.
Un pabien spesial ta bai pa e entrenadó di e team nan di Curaçao ku ta Gilson Lourens. E team di infantil di Curaçao a konsistí di, Jayvan Poulina, Harif Roojer, Thaveon Donker, Shenasha Andrea, Divano Toppenberg i D Jeandro Penny. Den e kategoria di Cadet tabata tin Harif Roojer, Divano Toppenberg, Reangel de Wint, Rogenne de Wint, Nasser Lahham, Rahim Antonio i Aurick Rosinda. Den e kategoria di junior tabata tin Rashied Antonio, Nadim Lahham, Dylano Streedel, Firas Lahham, brando Sánchez, Jaidison Celestina i Shadeon Donker.
Den e pelea nan individual tabata tin Shair Graanoogst (Surinam) kontra di Quishon Donker (Curacao) i aki Quishon Donker a sa di gana e pelea. Ian Redjosentono (Surinam) kontra D Jeandro Penny (Curacao) i aki Surinam a sa di gana e pelea. julio corredor (Venezuela) kontra di Reniel Roch (Curacao) i aki Julio corredor (Venezuela) a sa di gana. E direktiva di Olympia Taekwondo Assocation ta masha kontentu ku e manera ku e aktividat a kana i tambe kier a yama e pueblo di Curaçao masha danki pa a sostené e atletanan Curaçao.
Dia 17 nov Olympia Taekwondo Association lo ta na Aruba den e kompetensia titulá Best of the Best pa representá Curaçao.
Olympia Taekwondo assocation ta sigui traha duru pa por logra sera fondo nan di manera ku por sigui traha riba desaroyonan general pa tur su atletanan. Keda pendiente pa mas di Olympia Taekwondo Association.