Caracas, 4 Jun 2023, Venezuela a cuminsa riba diadomingo e intercambio comercial cu Aruba despues di 4 aña, tempo na unda e fronteranan tabata cera debi na e diferencianan entre e Gobiernonan, un situcion cu a cuminsa coregi na april 2023, ora di habri e fluho maritimo.
“Nos avansa den e reactivacion di e transito maritimo cu Aruba. Despues di 4 aña a sali di puerto e prome cargacion venezolano desde e puerto di Guarano, na estado di Falcon, cu frutanan, berduranan y otro mercancia” pa e isla aki di e Paises Bajos den e mar Caribe, a laga sa riba Twitter e vice-minister pa Europa, Franklin Ramirez.
Asina mes, desde Falcon, un region cu ta ubicana un 60 kilometer di Aruba, nan a explica cu e carganan di “La Gaviota” y “ El Maracucho” tabata e prome di sali cu su carga awe nochi “Cu aproximadamente 76 toneladanan di fruta y verduranan”.
E fronteranan entre Venezuela y e islanan di e Paises bajo na e mar Caribe (Aruba, Bonaire y Curazao) a mantene e distancia desde february di 2019, despues cu e opositor Juan Guido a purba drenta na teritorio venezolano, sin un autorisacion di e Gobierno, e ayuda humanitario cu tabata bay hunto cu esun di Brazil, Colombia y e islanan di Curazao, Bonaire y Aruba.
Asina mes, na december di 2022, tur dos Gobierno a cuminsa un serie di reunionnan pa enfrenta e situacion y nan a yega na un acuerdo di a habri e fronteranan bek na april, tambe a habri algun vuelonan comercialnan.
Segun a informa e yama revolucion bolivariana, e decision di lanta e restriccion tin e obhetivo “fomenta e intercambio” economico y social entre e dos nacionnan, na unda a afirma na december 2022 nan boluntad di “haci e esfuerso hunto pa garantisa e seguridad na e frontera”. EFE