E cuerpo policial lo atende 72 punto di control fronteriso.
Vice- presidente di Veneuzla, Delcy Rodriguez, diabierna mainta a anuncia e creacion di e Polis Migratorio di e pais Suramericano.
“A crea polis migratorio pa preserva e siguridad ciudadano y control migratorio”, el a expresa.
Rodriquez a splica cu e creacion di e polis administrativo ta contempla den e articulo 39 di e Ley di Servicio di Polios y di Cuerpo Nacional di Polis, unda ta establece su atribucion di Polis Nacional Bolivariano (PNB) di e “fiscalisacion y aduana, custodia diplomatico, penitenciario, migracion, maritimo y frontera”.
Cuerpo specialisa
Rodríguez a delanta cu ta trata di un Cuerpo Policial “hopi specialisa pa tin un control migratorio manera cu tin den otro paisnan” y pa “atende e realidad di e frontera”.
Entre e tareanan di e polis recien crea ta haya e servicio y control migratorio na waff y airportnan, como tambe e atencion di e 72 puntonan di control fronteriso. Venezuela tin frontera terrestre cu Colombia, Brasil y Guyana, y maritimo cu Lama Caribe y Oceano Atlantico.
E vice presidente ademas, a informa cu Polis Migratorio a wordo desaroya den un fase preparatorio y cu ta cay bou di e Ministerio di Interior y Husticia.