Informacionnan di ultimo ora ta indica cu un rato pasa cu gobierno di presidente di Venezuela, Nicolas Maduro a duna ordo pa cera frontera cu e islanan Hulandes Caribense, Aruba, Bonaire y Corsou.
Hopi ta esunnan cu a wak esaki ta bin caba for di basta dia, mas aun despues di cu a anuncia cu Corsou lo bira e di tres hub pa ayudo humanitario pa Venezuela. No ta prome biaha cu Maduro ta actua di e forma aki contra e tres islanan aki.
E medida aki ta wordo aplica na waf y airportnan di e region di Falcon, entrante diamars, pa cual niun barco of vuelo pa y for di e islanan ABC, lo no drenta.
Esaki ta e di dos biaha cu ta cera e intercambio comercial cu islanan ABC. Na januari 2018, e fronteranan maritimo y aereo a wordo cera door di Nicolas Maduro y e intercambio comercial a wordo inaugura bek despues di varios reunion entre e gobierno di Falcon y autoridadnan di e islanan.