CARACAS, Venezuela – E pais Suramericano a cuestiona e acusacionnan contra un grupo di empresario Mexicano cu ta provee alimento na un programa crea pa presidente Nicolas Maduro contra di e escasez, considerando un “abuso” y un “intento di obstaculisa” e esfuersonan cu cual e gobierno ta buscando di supera e crisis.
E programa CLAP (Comite Local di Abastecimento y Produccion), mediante cual ta bende alimento subsidia na e Venezolanonan, cual ta bou investigacion pa denuncianan di corupcion y speculacion.
INVESTIGACION
Na Mexico, gobierno a duna ordo diahuebs na un grupo di empresa y personanan acusa di specula cu e benta di alimento di gobierno di Venezuela pa paga 3 miyon dollar na e Alto Comisionado di Nacionnan Uni pa Refugiadonan (ACNUR).
“Nos ta considera e abuso aki contra empresarionan Mexicano un mas di e multiple intento di obstaculisa e esfuersonan di gobierno Bolivariano pa derota e guerra economico contra nos pueblo”, segun un comunicado cu e Canciyer Venezolano, Jorge Arreaza, a publica diabierna anochi riba su cuenta di Twitter.
Na 2016, Maduro a cuminsa cu e programa CLAP, pero analista y opositornan ta sigura cu wordo uza como un mecanismo di control social, ya cu e poblacion beneficiario tin cu registra y cumpli cu cierto rekisitonan.
Gran parti di e alimentoann y productonan cu ta wordo poni dne e caha cu e logo di CLAP ta bin di Mexico.
A rais di e medida adopta pa autoridadnan Mexicano, e empresanan a compromete nan mes na no realisa transaccionnan comercial nobo directamente of indirectamente cu e gobierno Venezolano.