CARACAS, Venezuela – Venezuela a conkista un historico clasificacion pa e final di Mundial Sub-20 y awo, e triunfo aki lo keda pa eternidad.
Rond di 6’or di mainta di diadomingo, a cuminsa cu e encuentro entre Inglatera y Venezuela na Suwon, cu a defini e final di Copa Mundial Sub 20 Korea 2017 di Fifa.
E gol cu a horta nan soño
Un gol di e delantero di Everton, Dominic Calvert-Lewin, a duna e prome titulo den un Mundial Sub 20 na e combinado Britanico y a lanta e soño di un “Mini-Vinotinto” cu tabata e revelacion y animador di e torneo Sur Koreano.
Un derota pa un minimo, despues di un penalty fayido y un bala cu a dal contra e di e palo di gol, a priva e “chamonan” di Rafael Dudamel y henter e pais Sur Americano di e soño di corona nan mes como campeonnan di mundo.
E seleccion di “Los Tres Leones” a debolbe su pais lo mas halto di un Mundial di futbol, loke nan no a logra desde e Copa di Mundo den categoria absoluto di 1966.
E alumnonan di Dudamel a hunga un bon partido, aunke nan a sufri di e poderio fisico y e capacidad di definicion di e Inglesnan, kendenan a delanta despues di un doble remate den porta di Calvert-Lewin, desde interior di e area, cu a supera den un di dos intento na un acertado Wuilker Faríñez.
Venezuela a cuminsa cu e choke cu e idea di tin e bala y pone presion riba Inglatera. Pero e hombernan di Paul Simpson a tabata tin e peliger den cada acercamento den e area di Faríñez. Esey tabata den minuut 10, ora cu e arquero di Caracas a saca un man den man cu Dominic Solanke.
E derota no a resta, sin embargo e meritonan na un elenco di “chamos” cu a keda na un paso di rubrica cu leternan di oro pa su impecabel recorido den e Mundial Sur Koreano y cu ta conta cu tur lo necessario pa hiba e “Vinotinto” algun dia na un Mundial absoluto.
Fuente: http://www.lapatilla.com