CARACAS, Venezuela – E diputado Venezolano Carlos Paparoni, di oposicion, a afirma cu Gobierno a paga mas of menos 2100 miyon di dollar na dos compania Brasileño cu tabata konkel cu carni pa por bende productonan venci of no apropia pa consumo.
“Nan a gasta 2100 miyon di dollar cumpra na JBS y BRF, companianan cu ta bende cuminda venci (…) Nan ta cumprando carni y productonan putri pa por importa nan,” e parlamentario a bisa durante su intervencion den e Asamblea nacional di e pais aki, controla pa oposicion.
E diputado a declara cu dicho companianan aki ta mas a exporta carni pa Venezuela for di 2011 mediante contractonan supuestamente suscribi pa e Corporacion estatal CASA, e unico instancia autorisa pa e tipo di tramitenan den e pais.
Den e sentido aki, el a agrega cu e ex presidente di Parlamento, Diosdado Cabello, a considera un di e hombernan mas importante di Chavismo, e hefe di hacienda, Jose Cabello y e minister di Alimentacion, Marco Torres, a sostene acercamento cu e propietarionan di e empresanan en cuestion pa acorda importaicon.
“Nan ta paga shete dollar pa cada kilo di alimento, di carni cu ta cumpra for di Brasil, cu e cantidad nos por produci 14 kilogram mas (…) y nan ta prefera cumpra carni putri for di Brasil,” el a sigui.
E descubrimento cu algun die empresanan tabata mal maniobra e carnian pa por bende productonan venci of no apropia pa consumi, a pone cu paisnan manera China, Zuid Korea, Chile, Hong Kong y Union Europeo, anuncia nan restriccionnan temporal na e importacion di carni Brasileño.
Segun polis, varios compania principal di e pais, entre nan JBS y BRF, cu complicidad di fiscalnan sanitario corupto, “a makiya” cu productonan kimico, carninan cu tabata den mal estado y no tabata cumpli cu e rekisitonan pa exportacion.
Gobierno Brasileño a pura pa ofrece splicacion riba e calidad di carni y e eficacia di su sistema di fiscalisacion sanitario y ya a logra cu Zuid Korea a reverti su decision.
Brasil ta e mayor exportador mundial di carni di baca y di galiña, e cuarto den e segmento di porco y e bentanan externo di e tres sectornan aki cerca di 150 pais, a representa aña pasa, e 7,2% di e comercio aki, cu 11.600 miyon di dollar.
Fuente: EFE news