CARACAS, Venezuela- Durante e ultimo lunanan, ora cu oposicion Venezolano a genera un serie di protestanan violento, rednan social tabata e epicentro di no solamente di debatenan, sino di convocatorio na evento y celebracion di hechonan cu a laga como saldo mas di 130 persona morto, segun e website Alba Ciudad.
Ta pa e motibo aki tambe, un di e temanan principal cu ta ocupa e atencion publico den e pais Latinoamericano, ta e discusion tocante si e rednan social lo mester wordo someti na regulacion.
Entre hopi di e highlightsnan di e ironia ey, ta wordo menciona e asesinato di Almelina Carrillo, cual a tuma luga na Caracas dia 19 di April 2017, ora cu un manifestacion pro gubernamental tabata pasaondo, un persona a tira un boter di awa congela cu a dal e señora den su cabes, segun e website Contrapunto.
Esey y hopi otro hechonan similar a wordo asocia directamente cu mensahenan difundi ariba Twitter.
Na vispera di e asesinato di Almelina Carillo, un conocido atriculista anti- chavista, yama Tulio Hernández (@tulioehernandez), a scirbi ariba su rednan social cu opositornan mester “neutralisa” e plan si siguridad anuncia door di gobierno y bautisa como “Zamora” pa por derotanan militarmente.
Den un di su mensahenan el a argumenta cu nan su opinion, ta totalmente legal pa lansa potchinan di mata na militantenan di Chavismo for di bentana di e edificionan.
Despues di e morto di e muhe, Tulio Hernandez a delete e mensahenan for di su account di Twitter, pero algun usuario di e red a screenshot loke el a scirbi y a save esakinan.
Fuente: https://actualidad.rt.com