CARACAS, Venezuela – Venezuela lo habri awe tres stacion internacional di gasolin, dos na e frontera cu Colombia y un na e limitenan cu Brasil, presidente Nicolas Maduro a informa den su programa televisivo.
Pa combati contrabando cu e benta di gasolin den peso (Colombiano), desde dialuna den e estado Apure nos ta bay habri dos stacion fronteriso cu Colombia,” e mandatario a bisa desde estado Bolivar.
Husto na Bolivar, den e localidad fronteriso cu Brasil di Santa Elena di Uairen, e Gobierno a inaugura e di tres stacion nobo internacional di gasolin caminda cu e liter lo costa, segun Maduro 1,5 real Brasileño (48 cen di dollar).
Na comienso di Januari, Venezuela a cuminsa bende gasolin na peso Colombiano den e estado Tachira, fronteriso cu Colombia, unda cu e combustibel ta cost 1.200 peso Colombiano (40 cent di dollar) un prijs hopi superior na e stacion di servicio di e resto di Venezuela, aunke menor cu un Colombia, unda cu e ta bal entre 50 y 70 cent di dollar.
Venezuela tin e gasolin mas barata na mundo: e liter di 91 octane ta costa un bolivar (0,0015 dollar) y esun di 95 seis bolivar (0,009 dollar).
E ehecutivo ta purba desincentiva e contrabando di gasolin na otro paisnan door di subi e costo di combustibel Venezolano na su frontera.
Fuente: RCN Noticias