CARACAS, Venezuela – Petroleos de Venezuela (Pdvsa) lo exporta gas natural pa Colombia desde dia 1 di December proximo, despues di subscribi un contracto cu e empresa Petromil Gsa.
Mediante un comunicado, e empresa estatal a precisa cu e contracto ta contempla e exportacion te cu 50 miyon di pia cubico di gas pa dia, proveniente di e camponan di gas den e Golfo di Venezuela, zona cu ta conta cu reservanan proba di 9.5 triyon di pia cubico.
E contracto a wordo firma pa e presidente di e filial Pdvsa Gas, Anton Castillo y e gerente general di e empresa Petromil Gas, Carlos Henao, a bisa den un nota di prensa difundi pa AVN.
“Esaki ta un gran paso pa e industraia gasifero nacional ya cu pa prome biaha den historia di nos industria petrolera nos lo exporta gas natural por medio di tuberia,” el a referi.
Pdvsa a construi na 2007 un gasoducto di 26 inch di diameter y 200 kilometer di longitud cu a conecta e estado Zulia, specificamente e zona petrolero di e Lago di Maracaibo, cu e Departamento di Guajira di Colombia den e region di acopio di gas produci den e costa pafo, den e campo Ballena.
Venezuela a importa gas desde Colombia te cu Juli di 2015 y di e acuerdo cu lo planifica den e di dos fase aki. Pdvsa lo cuminsa cu exportacion di gas pa e pais bisiña.
Fuente: El Universal