CARACAS, Venezuela- Presidente di Venezuela, Nicolas Maduro, ta evaluando di introduci un demanda internacional pa compensa e inversion di su pais, ora cu el a ricibi 5,6 miyon Colombiano, cu a huy di e conflicto arma, den mas di mei siglo di conflicto arma den e pais bisiña.
“Nos lo uza tur e canalnan legal internacional pa nan paga Venezuela bek pa tur e Colombianonan cu a ricibi atencion, trabao, salud, educacion, sin keha nunca”, Maduro a bisa, cita pa El Universal, den respuesta na e accionnan cu Bogota a cumisna pa solicita fondonan cu lo permiti’e atende cu e supuesto “crisis humanitario” di migrantenan Venezolano, cu ta crusa e territorio Neogranadino.
Pa e mandatario Venezolano, e peticion di recursonan di parti di Bogota ta forma parti di un “campaña mediatico” di parti “factornan cu ta mete”, cu ta pretende di hustifica un accion arma contra di e nacion Caribeño bou di e pretexto di e mobilidad humano. Maduro a destaca cu Venezuela ta e di dos pais den e region cu ta ricibi mas migrante.